Du er her:

eInnsyn

Norsk akkreditering skal leggja til rette for ei open forvaltning i samsvar med Lov om rett til innsyn i dokument i offentleg verksemd (offentleglova).

Hovudregelen i offentleglova § 3 er at «saksdokument, journalar og liknande register for organet er opne for innsyn dersom ikkje anna følgjer av lov eller forskrift med heimel i lov. Alle kan krevje innsyn i saksdokument, journalar og liknande register til organet hos vedkommande organ».

Krav om innsyn skal etter offentleglova § 29 behandlast «utan ugrunna opphald». Med «utan ugrunna opphald» meiner ein tre arbeidsdagar. Dersom eit innsynskrav ikkje blir behandla i løpet av fem arbeidsdagar etter at Norsk akkreditering fekk kravet, er det å rekna som eit avslag som kan klagast på til Nærings- og fiskeridepartementet, jfr. forvaltningslova § 28 første ledd.

Tilgang til offentleg informasjon gjennom eInnsyn  

Vi bruker innsynsløysinga eInnsyn som gir innbyggjarar, media og andre tilgang til offentlege dokument. Med eInnsyn kan du søke etter og be om innsyn i opne dokument, saker, korrespondanse og møteinformasjon. Gå til søkesida for eInnsyn her. 

For meir informasjon om korleis eInnsyn fungerer og fordelane det tilbyr, sjå informasjonsvideoen under. 
Informasjonsvideo om eInnsyn